Wo gaut dat dait, DANKE tau säggen un watt Dankboarkeit in´n Läben bewägen kann, wörde dütt Joahr bit Erntedankfest an´ 27.09.26 in´t Hochamt van de Nikolaus-Karke up besünnere Ort un Wiese doarstellt. In de gaut besöchten Misse hebbt de Kinner van de Plattdütsk AG unner de Leitung van use Mitarbeiterin Edeltraud Wotte dat heil moij vertellt. In de Geschichte vertellt de Kinner up Plattdütsk wat aöwer Dankboarkeit, wat dräi lütke Raoben man ersmaol aöwerhaupt nich verstaohn könnt. Weil säi blot dat saiht, wat säi nich hebbt. Man de Kinner verkloart de Raoben, dat säi dat saihn möüt, wat säi allet so hebbt. Doarbie wörde dütliek: Erntedank bedütt nich blot föar de Ernte un de Gaoben ut de Natur dankboar tau wän. Dat gaiht uk doarüm, de lütken un de grooten Saoken in´t Läben woahrtaunemmen, de nich immer selbstverständliek bünt. Mit ganz masse Fraide un Insatz hebbt de Kinner ähre Rollen spaölt un hebbt de Botschaft van Dankboarkeit so manchetmaol mit Applaus un Lacher van de Karkenbesöüker quittiert krägen. Dütt Erntdankfest was somit ´n besünneret Erlebnis föar Jung un Old, wat uk naoh de Misse uk noch föar Bliedskup sörgt hef.
Erntedankfest in de Nikolaus Karke
