Unner de Leitung van Frau Wotte un mit de Unnerstützung van Gemeindereferentin Jennifer Schulte-Schmitz hebbt de Kinner van de Platt-AG „Kinner prootet Platt“ in de van de Landfrauen festlich geschmückten Karke Erntedank fiert. As Dail van dat „PlattSatt Festival“ stunden de Kinner mit ähre lütken unnerschiedlich gefüllten Körben mit Obst, Gemäüse, Fiske, Getreide un uk Blaumen up den Altoar. Säi hebbt de Gemeinde up Platt vertellt wat de Ernte so allet brocht heff un wo wichtig dat is „DANKE“ tau säggen. In de heller gaut besöchte Misse hebbt de Kinner in moijet Rheer Platt ähre Texte flüssig un gaut betont vöardraogen. Dat wörde an´t Ände van de Misse mit ´n düchtigen Applaus belohnt, so dat de Kinner ganz stolt warn. Dat was ´n moijet Projekt un bliff bi de Kinner wisse in Erinnerung un doarüm is dütt uk nich de letzte Misse up Plattdütsk wän.
Kinner van de Platt-AG gestaltet Erntedank-Misse
