Mit heil grooten Insatz, Humor un ganz masse Spaoß hebbt de Wichter un Jungers van de Plattdütsk AG „Kinner prootet Platt“ dat Publikum begeistert: Dat Märchen van Aschenputtel, wörde up ´ne heil besünnere Version up de Bühne brocht. Frisch, witzig un mit masse Aöwerraschungen. Frau Wotte, de Mesterske van de Platt AG, fraide sück düchtig aöwer de wunnerboare Ümsetzung un müssde süms immer wär van Hatten lachen. Düt was ´n wunnerboaret Beispiel doarföar, wo man kreativ un lebennig Plattdütsk leern´ kann.
