Ale twäi Joahr finnet den Plattdütsken Läsewettstriet statt. Use Schaule is älke Joahr doarbie un heff uk all den äin off annern Sieger up Bezirks-, man uk up Landesebene hervöarbrocht. Dütt Joahr hebbt sück 32 Kinner anmeldet. Dat warn´ so vull, datt den Wettstriet up twäi Daoge updailt wördden müssde. Bi de Veranstaltung daut sück de Kinner van de Grund- un Oberschaule unnernanner määten. De Kinner drächt föar ähr Öller angemäätene Texte vöar. Doarbie wörd up de Utspraoke un de Betonung besünners achtet. De Kinner, man uk de Jury, hebbt ne masse Spaoß hat, weil de Kinner gaut vöarbereitet un nich bange warn´. De Vöarbereitung van düssen Läse-wettstriet heff use Platt-AG-Leitung, Frau Wotte, aöwernaommen. In de Jury wörde säi van use ehemaolige Mitarbeiterin Karin Böhle, Frau Plenter un Herrn Büning unnerstützt. De Emsländische Volksbank, de Spaorkasse un den Förderverein van de Ludgerusschaule hebbt föar düssen Wettbewerb wunnerboare un dailwiese hochwertige Priese tau Verfügung stellt. Besten Dank an ale, de tau den Erfolg un de Bliedskup van de Kinner taudraogen hebbt. Am Enne was dat nett so knapp ass uk spannend. Un düsse Kinner kunnen sück döarsetten: Gruppe A: Anni Abels (Platz 1), Maira Vinke (Platz 2), Ben Vosse (Platz 3); Gruppe B: Julian Venhaus (Platz 1), Jette Agnesmeyer (Platz 2), Eliza Nintemann (Platz 3); Gruppe C: Frederik Lampen (Platz 1), Hannah Eilers (Platz 2 ), Enie Koops (Platz 3), Lennard Koppers (Platz 1), Gruppe D: Lukas Karpow (Platz 2); Jan Sören Lampen (Platz 3).