Nu all föar ´t 23. Maol find´ den Plattdütsken Läsewettstriet „Schäulers läst Platt“ in Neddersassen statt. Den Wettstriet wörd van däi Spoarkasse Emsland fördert un däi Emsländische Landskup in Meppen is Organisator för dat heile Emsland und däi
Graofskup Bentheim. Ut däi Klassen 3 bit 7 hebbt sück insgeamt 25 Kinner van däi Ludgerusschaule tau düssen Wettstriet anmelden daon. Doarvan warn 15 Kinner ut däi Klassen 3 un 4. Däi Organisation van den schaulinternen Wettstriet heff Frau Wotte mit Unnerstützung van Frau Kruse aöwernaommen. Frau Wotte heff däi Kinner Texte utsöcht un aöwersettet un dann kunn futt mit dat Üben losgaohn. Doar warn´ lustige Stücke ass : „Babysitter“, „Blot däi Ruhe be waohrn“ off „Ass däi Schaulraot tau Besöük Kamp“ bi. Man uk naohdenklich un waohre Geschichten ass: „Dat heff so wän schulld“ un „Äin Wunsk frei“ wörden vöarläsen. Datt heff däi Jury, Anne Kruse un Edeltraud Wotte, bit Tauhörn masse Fraide maoket. Döarsetten kunnen sück as Joahrgangssieger: Klasse 3: Hanna Eilers (1.), Enie Kopps (2.), Mathilda Voorwold (3.), Klasse 4: Louis Evers (1.), Jaron Schütte (2.), Tjark Heyers (3.), Klassen 5 un 6 : Jan-Sören Lampen (1.), Emely Eilts (2.), Lennard Koppers (3.)
Klassen 7 un 8: Nele Kröger (1.) Ale Kinner, däi mitmaoket harn, hebbt ´n lütket Präsent un ´ne Urkunde krägen. Däi Plätze 1 bit 3 krägen an´ Änne noch ´ne extrao Prämie,… ´ne „Zasterrolle“ (dat is ´ne Geldrolle). Doar könnt däi Kinner sück dann wat föar koopen. Nu gaiht dat an ´ 13.04.23 naoh Sögel hin. Doar findet den Bezirksentscheid statt.